तेह्रथुमको लालिगुँरास नगरपालिका वडा नम्बर ८ को अध्यक्षमा नेपाली कांग्रेसका उम्मेदवार नगेन्द्र लिम्बु निर्वाचित भएका छन् ।
बिज्ञापन
निर्वाचन आयोगका अनुसार वडा अध्यक्षमा निर्वाचित लिम्बुले ४ सय ४० मत प्राप्त गरेका छन् । आइतबार सम्पन्न भएको स्थानीय तह उपनिर्वाचनको मतगणना सोमबार राति सम्पन्न भएको हो ।
बिज्ञापन
लिम्बुका निकटतम प्रतिद्वन्द्वी नेपाल कम्युनिष्ट पार्टी (एमाले)का बुद्धबहादुर लिम्बुले ३ सय ६० मत प्राप्त गरेका छन ।
राष्ट्रिय स्वतन्त्र पार्टीका सञ्जिव खड्काले ३८, नेपाल कम्युनिष्ट पार्टी (माओवादी केन्द्र)का कुमार विश्वकर्माले २६, राष्ट्रिय प्रजातन्त्र पार्टीका रत्नबहादुर श्रीपालीले ४, स्वतन्त्र उम्मेदवार वसन्त लिम्बुले ४ र नेपाल कम्युनिष्ट पार्टी (एकीकृत समाजवादी)का प्रेमबहादुर खड्काले २ मत प्राप्त गरेको निर्वाचन आयोगले जनाएको छ ।
बिज्ञापन
